Si janë dukur qytetet më të bukura të Evropës 100 vite më parë, dallimi atëherë dhe tani (Foto)
Burim Tmava
Pavarësisht avancimit të teknologjisë, disa gjëra nuk ndryshojnë dhe këtë gjë më së miri e dëshmojnë fotografitë e publikuara më poshtë të disa prej qyteteve më të bukura të Evropës, që tregojnë se si janë dukur 100 vite më parë dhe se si duken tani.
Vërehet qartë se disa nga monumentet historike të Evropës prej ndërtimit të tyre nuk kanë ndryshuar edhe aq shumë, siç është koloseumi në Romë, stacionet e metrosë nëpër Londër, e Reichstagu në Berlin e edhe muzeu i Louvre në Paris që tani ka formën e piramidës, transmeton Telegrafi.
Megjithatë fillimi i Luftës së Dytë Botërore dhe Lufta e Ftohtë, bënë që disa prej objekteve që konsiderohen ikonë pësuan ndryshime e madje edhe dëme. Por, nëse i shikoni me vëmendje fotografitë e shkrepura para 100 viteve dhe ato tani, do ta kuptoni se megjithatë ekzistojnë elementet bazë që ruajnë origjinalitetin e këtyre objekteve.
Më poshtë ju sjellim imazhet e disa objekteve të qyteteve më të bukura të Evropës, që dëshmojnë se si janë dukur 100 vite më parë dhe si duken sot.
Ndërtesa Reichstag në Berlin. Ndërtesa e parlamentit gjerman konsiderohej shumë moderne asokohe, që kur në vitin 1894 hapi dyert pas unifikimit të vendit në vitin 1871. Ky objekt është i ndërtuar afër portës së Brandenburgut, që megjithatë ishte dëmtar disa herë duke filluar nga shpërthimi i një zjarri të madh në vitin 1933, më pas me ardhjen e Adolf Hitlerit.Piccadilly Circus në Londër. Ky “udhëkryq” i ndërtuar në qendër të Londrës edhe sot duket pothuajse i njëjtë me statujën e Erosit të vendosur në vitin 1893. Ndërkaq kuajt që shihen në fotografi me karroca, sot janë zëvendësuar nga veturat dhe autobusët e shumtë.Sheshi i Popullit apo siç njihet tek italianët “Piazza del Popolo” në Romë. Ky shesh ka dy kisha Santa Maria dei Miracoli dhe Santa Maria në Motesanto.Arc de Tripmphe gjendet në Paris. Konsiderohet si zona më e njohur në kryeqytetin e Francës, kuptohet pas kullës Eiffell. Ajo ishte ndërtuar në vitin 1806 për të shënuar fitoret në Evropë, por turbulencat politike në Francë bën që ajo të përfundojë punimet më 1836. Në këtë monument janë të shkruar emrat e fitoreve franceze si dhe të gjeneralëve.
