Jude Bellingham mund t’i ishte bashkuar Juventusit përpara se të transferohej te Borussia Dortmund pasi Fabio Paratici thuhet se kishte arritur një marrëveshje për ta nënshkruar atë nga Birmingham.
Reprezentuesi anglez shënoi golin e parë për Tre Luanët në fitoren e tyre 6-2 ndaj Iranit në debutimin e tyre në Kupën e Botës në Katar 2022.
19-vjeçari është një nga talentët më të njohur të Evropës dhe ka tërhequr interes nga disa klube në Liga Premier, duke përfshirë Liverpoolin, Chelsean dhe Manchester Unitedin.
Sipas Calciomercato.com, çmimi i Bellingham tani tejkalon 100 milionë euro, kështu që ai duket i paarritshëm për çdo klub të Serie A.
Sidoqoftë, ishte një kohë – në verën e vitit 2020 – kur talentët anglezë ishin afër transferimit në Itali.
Ish-drejtori i Juventusit, Fabio Paratici – tani në Tottenham – thuhet se kishte arritur një marrëveshje për nënshkrimin e tij nga Birmingham dhe mesfushori anglez madje kaloi disa ditë në Torino për të vizituar qytetin dhe objektet stërvitore të klubit.
Sidoqoftë, Bellingham përfundimisht zgjodhi Borussia Dortmund, duke përfunduar një lëvizje prej 25 milionë euro.
Ai ka shënuar nëntë gola në 22 paraqitje në nivel klubi këtë sezon dhe kontrata e tij skadon në vitin 2025. /Telegrafi/