Site icon Telegrafi

Si dështoi Arsenali ndaj taktikave të thjeshta të Cityt në eliminimin nga FA Cup

Driton Gajraku

Manchester City përdori disa skema të thjeshta kundër Arsenalit me Erling Haaland që shpresonte të shfrytëzonte brishtësinë mbrojtëse të Rob Holding.

Dy pretendentët për titull në Ligën Premier u përplasen në raundin e katërt të FA Cup.

Dhe qëllimet e Cityt ishin të qarta që në fillim. Topi i parë i gjatë nga portieri i Citizens, Stefan Ortega u drejtua drejt Haaland, i cili po markohej nga Holding.

Holding ka luajtur vetëm 707 minuta futboll këtë sezon me 13 prej tyre që vijnë në elitën e futbollit anglez.

Lojtarët e Cityt lëvizën gjithashtu në qendër në drejtim të portës kundërshtare, për të tërhequr presionin në mënyrë që Ortega të mund të gjente një lojtar të lirë.

Vetëm pak çaste më vonë, Haaland u lirua më mirë nga Holding, duke e lënë mbrojtësin e Arsenalit të ekspozuar brenda gjysmës së fushës së tij.

Fatmirësisht për Holding, portieri Matt Turner ishte i vëmendshëm dhe doli shpejt për të larguar topin nga Haaland.

Topi u hodh në ajër dhe 22-vjeçari provoi një goditje gërshër, por Takehiro Tomiyasu e mbuloi mirë portën.

Pozicionimi i Lewis dhe Rodri ndihmoi gjithashtu në izolimin e Topçinjve që markuan mesfushorin Thomas Partey.

Dyshja e Cityt më pas kaluan te Granit Xhaka dhe Fabio Vieira, duke krijuar një tjetër përballje mes Ilkay Gundogan-Kevin de Bruyne dhe Parteyt.

Arsenali kishte vendosur të vazhdojë stilin e tyre të lojës me presion të lartë, por pa ndonjë efekt të madh, gjë që edhe u solli humbjen 1-0, për t’u eliminuar nga gara. /Telegrafi/

Exit mobile version