Këngëtarja e njohur e muzikës popullore, Shyhrete Behluli, ka prezantuar për fansat projektin e saj më të ri muzikor.
“Je e vetmja” titullohet kënga e saj e re, të cilën ajo ua dedikon të gjitha nënave.
Kënga është e zhanrit popullore dhe për muzikën dhe orkestrimin është kujdesur Miti Geci.
Ndërkohë për vargjet e tekstit janë kujdesur Nexhmie Muhaxheri dhe Arian Agushi, i njohur ndryshe si Gold AG.
Kënga është vizualizuar edhe me një klip të veçantë, pjesë e së cilit është edhe vet nëna e këngëtares.
Behluli ka menduar që këtë projekt ta realizojë me rastin e festës së 8 marsit, që në gjithë botën njihet si Dita e gruas.
Përveç projekteve të shumta muzikore që sjell, ajo vazhdon të jetë e angazhuar edhe nëpër koncerte dhe mbrëmje muzikore të ndryshme. /Telegrafi/
