Paris Saint-Germain e pret Real Madridin të martën në mbrëmje në atë që shihet si një nga ndeshjet më të forta ta fazës së eliminimit direkt në Ligën e Kampionëve.
Kjo përballje që ka një rëndësi të veçantë për Lionel Messin, i cili kërkon të përfundojë një ecuri të gjatë pa gola kundër Los Merengues.
Edhe pse Real Madridi gjatë karrierës së tij me Barcelonën ka qenë një kundërshtar i parapëlqyer, Messi në fakt duroi një ecuri mjaft zhgënjyese kundër rivalëve në vitet e fundit të karrierës së tij.
Ecuria e dobët e Messit kundër Real Madridit
Messi nuk e ka mposhtur Real Madridin që nga marsi i vitit 2019, ndërsa në këndvështrim personal ai ka shtatë ndeshje radhazi pa e gjetur rrjetën ndaj Los Blancos.
Që nga 2 marsi 2019, Messi ka humbur tre ndeshje kundër Real Madridit dhe ka një barazim, dhe kjo është ecuria e tij më e keqe në histori kundër gjigantëve spanjoll.
Goli i tij i fundit kundër Los Blancos erdhi në maj të vitit 2018, dhe ai shpreson që të kthehet në rrugën e duhur të martën në mbrëmje.
Real Madridi është kundërshtari me të cilin ka luajtur më se shpeshti në karrierën e tij, pasi me ta Messi është përballur në 45 takime. Rekordi i tij është 19 fitore, 11 barazime dhe 15 humbje.
Kundër Real Madridit, Messi ka gjetur rrjetën 26 herë. Më shumë herë i ka shënuar vetëm Sevillas (38), Atletico Madridit (32), Valencias (31) dhe Athletic Bilbaos (29). /Telegrafi/