Një legjendë e Chelseat këmbëngul se sporti i tij i ri në moshën 40-vjeçare është më argëtues sesa fitimi i Ligës së Kampionëve.
Është më mirë të bësh patinazh se sa të fitosh medalje në Ligën Premier dhe në garat evropiane për Petr Cech, që ka ndryshuar portat – nga ajo në barë, në atë në akull.
As ky sukses i famshëm kundër Bayern Munichut në finalen e Ligës së Kampionëve në vitin 2012 nuk përputhet me kënaqësinë e sportit të ri të çekut.
Cech fitoi Ligën Premier dhe FA Cup katër herë, si dhe trofeun e shumëkërkuar nga Blutë për disa vite, atëherë kur mposhtën Bayern Munichun në finalen e vitit 2012 të zhvilluar në “Allianz Arena”.
Dhe pas 11 vitesh në “Stamford Bridge”, ai shtoi një tjetër trofe të FA Cup, por tani me Arsenalin.
Cech më pas u kthye në Chelsea si drejtor teknik, por u largua në qershor 2022 pas blerjes së klubit nga Todd Boehly.
Tani, si një legjendë që i ka fituar të gjithë trofetë të mundshëm në klub, Cech i është rikthyer dashurisë së tij të parë sportive – hokejt mbi akull.
“Ju jeni ende në atë dhomë të zhveshjes. Ju jeni ende duke bërë atë rutinë. Por, është një nivel krejtësisht i ndryshëm presioni”, ka thënë fillimisht çeku.
“Kjo është më argëtuese sesa kur luan një lojë në Ligën e Kampionëve. Por, unë ende e kam atë ndjenjë në veten time sepse dua të luaj. Dua të fitoj. E urrej humbjen. Është e njëjta ndjenjë që kisha kur luaja futboll”.
“Ende e ke atë ndjenjë kur je duke ecur nëpër korridor, në akull, i rrethuar nga gjithë këta njerëz”, ka vazhduar më tej Cech. /Telegrafi/