Në rrjetet sociale po qarkullon një video, ku shihet sesi një veturë godet këmbësorët në vija të bardha në Shën Petersburg të Rusisë,
Siç raportojnë mediat e atjeshme, incidenti ka ndodhur më 17 janar në afërsi të sheshit Vostania, transmeton Telegrafi.
Në videon e publikuar më poshtë, shihet shoferi i veturës Nissan Almera, duke zvogëluar shpejtësinë para vijave të bardhë kur për këmbësorët u ndez drita e gjelbër në semafor.
Megjithatë, ai nuk qëndroi gjatë dhe befasisht rriti shpejtësinë dhe filloi t’i godet këmbësorët që ishin në numër të madh.
Sikur kjo të mos mjaftonte, u largua nga vendi i ngjarjes sikur të mos kishte ndodhur asgjë e keqe. Ndërkaq pas intervenimit të policisë, shoferi ka përfunduar në pranga.
Bëhet fjalë për 42-vjeçarin, ndaj të cilit rëndojnë akuza të rënda për shkelje të rënda në trafik. /Telegrafi/
In #SaintPetersburg, a car ran over a crowd at a crosswalk. pic.twitter.com/apjv58ga1a
— NEXTA (@nexta_tv) January 18, 2023