Kryeministri i vendit, Albin Kurti ka bërë sot të ditur se kanë shtruar disa rrugë në komunën e Graçanicës.
Kurti në një postim në Facebook shkruan se këtë vit, Ministria e Mjedisit, Planifikimit Hapësinor dhe Infrastrukturës do të bëjë edhe investime shtesë në këtë Komunë.
Lexoni të plotë postimin:
“Rrugët në Graçanicë
Është shtruar rruga “Bajrush Kelmendi”, “Hasan Prishtina” dhe “Jashar Krasniqi” në fshatin Shushicë të Graçanicës. Rruga “Bajrush Kelmendi” është e gjatë 1 km. Pas 50 viteve pa rrugë, familjet që jetojnë aty mund ta gëzojnë tash këtë nevojë bazike. Kurse rruga kryesore ‘’Hasan Prishtina’’ çon deri te Kisha Ortodokse.
Në Kishnicë e kemi riasfaltuar rrugën kryesore ‘’Ibrahim Rugova’’, ku kemi rregulluar edhe trotuarin si dhe kemi krijuar parkingje të reja.
Gjithashtu kemi bërë asfaltimin e rrugës kryesore edhe në Lagjen e Romëve.
Këtë vit Ministria e Mjedisit, Planifikimit Hapësinor dhe Infrastrukturës do të bëjë edhe investime shtesë në këtë Komunë.
Qeveria për Komunën”. /Telegrafi/
