Qeveria shqiptare është mbledhur sot për herë të fundit për këtë vit, teksa ka miratuar një sërë vendimesh të rëndësishme, mes të cilave edhe përcaktimi i personaliteteve shtetërore, që do të merren në mbrojtje nga Garda e Republikës.
Kështu, sipas vendimit të qeverisë, janë vendosur mbrojtje nga trupat e Gardës të kreut të Byrosë Kombëtare të Hetimit (BKH), gjyqtarëve të Gjykatës së Posaçme GJKKO dhe Prokurorisë së Posaçme SPAK.
Po ashtu, mbrojtja është shtuar edhe për AKSHI-n dhe Autoritetin Kombëtar për Certifikimin Elektronik dhe Sigurinë Kibernetike.