Një 31-vjeçare u godit nga vetura e policisë në Long Island, SHBA, pasi shtiu në ajër me revole në mes të ditës, dhe tani mbi të rëndojnë 13 pika të aktakuzës.
Policia ka publikuar pamjet kur e godet me veturë dhe e përplas në tokë, për të parandaluar më të keqen, transmeton Telegrafi.
Kiber Calderon e njohur si Hanna Carillo, po mbante revolen në dorë në mes të rrugës në New York dhe në një moment revolen ia drejtoi vetes në kokë.
Videoja amatore u regjistrua nga një kalimtar rasti, ku shihet sesi policët e godasin me pjesën anësore të veturës – mjaftueshëm për ta rrëzuar në tokë dhe t’i japin vetës kohë që të reagojnë dhe ta prangosin.
Policia kishte pranuar një telefonatë për të shtëna armësh, dhe pasi dolën në terren panë gruan duke shtënë në ajër me revole. /Telegrafi/
