Shteti i parë i pavarur në botë lundrues pritet që gjatë vitit 2022 të jetë i gatshëm për banim në Oqeanin Paqësor, dhe do të funksionoj me qeverinë e saj që gjithashtu do të ketë kriptovalutën e quajtur “Vayron”.
Planifikohet që qyteti lundrues të ketë 300 shtëpi si dhe hotele, restorante, kafiteri dhe shumë objekte tjera që do të ndërtohen në Oqeanin Paqësor më saktësisht në ishullin e Tahitit, transmeton Telegrafi.
I financuar nga themeluesi i PayPal, Peter Thiel, pilot projekti 50 milionë dollarësh është duke u zhvilluar në bashkëpunim me qeverinë e Polinezisë, akademikët, filantropët dhe investitorë të ndryshëm.
Gjatë një interviste dhënë CNBC, Mezza-Garcia, hulumtuese në universitetin Warwick, ka deklaruar se ekzistojnë probleme të mëdha në realizimin e këtij projekti në ishujt e Polinezisë, kjo për faktin se toka shtrihet në korale dhe do të zhduket me rritjen e nivelit të ujit.
Ata synojnë ta kenë kriptovalutën Vayron dhe qeverinë e tyre, ndërsa projekti në total kushton 50 milionë dollarë dhe pritet të jetë i gatshëm deri në vitin 2022. /Telegrafi/
