Një shtetas i Maqedonisë së Veriut është arrestuar pasi nuk ka përfillur urdhrat e personit zyrtar dhe ka tentuar ta sulmojë fizikisht zyrtarin policor.
Në raportin e Policisë së Kosovës bëhet e ditur se rasti ka ndodhur të mërkurën rreth orës 01:15 në magjistralen Ferizaj-Gjilan.
Tutje bëhet e ditur se i dyshuari pasi është sjellë në stacion policor i është bërë matja e alkool testit dhe ka rezultuar prezenca e alkoolit.
“Është arrestuar i dyshuari mashkull shtetas i RMV, pasi që nuk ka përfillur urdhrat e personit zyrtar dhe ka tentuar edhe ta sulmojë fizikisht zyrtarin policor. I dyshuari pasi është sjellë në stacion policor i është bërë matja e alkool testit dhe ka rezultuar prezenca e alkoolit dhe të njëjtit i është ofruar ndihma mjekësore”, thuhet në raport.
Ndërkaq, me vendim të prokurorit i dyshuari dërgohet në mbajtje. /Telegrafi/