Gjiganti gjerman Porsche ka dizajnuar një autobus luksoz, i cili lirisht mund të thuhet se është shtëpi në rrota dhe që është shitur në Oklahoma të SHBA-ve te një burrë shumë i pasur.
Bëhet fjalë për mjetin Newell Coach p50 që është 14 metra i gjatë, brenda të cilit nuk mungon pothuajse asgjë, transmeton Telegrafi.
Ky autobus është shitur për dy milionë dollarë dhe ka dhomë të madhe gjumi, tualet dhe televizor gjigant të teknologjisë së fundit. Kur flasim për luks, nuk ka se si të mungojë edhe kuzhina dhe ambienti tjetër për mysafirë.
Megjithatë për ta vënë në lëvizje këtë mjet gjigant, pa dyshim se është nevojitur prodhimi i një motori tejet të fuqishëm siç është ai me 605 kuaj-fuqi.
Brenda tij dimri është i nxehtë e vera e freskët, kjo për faktin se në kulmin e autobusit janë të vendosur gjashtë sisteme ventilimi dhe klimatizimi. /Telegrafi/
