Shtëpia e Paolo Rossit plaçkitet gjatë kohës së funeralit të legjendës

Kriminelët thuhet se hynë në shtëpinë e legjendës Paolo Rossi gjatë funeralit të tij dhe vodhën sende personale duke përfshirë një orë.

Legjenda e Italisë dhe fituesi i Topit të Artë u djeg dje (e shtunë) pas një ngjarje në stadiumin ‘Romeo Menti’ në Vicenza dhe një ceremonie në katedralen Duomo në të njëjtin qytet.

Agjencia e lajmeve Ansa raporton se kur gruaja e Rossit u kthye në shtëpinë që ata ndanë së bashku, ajo zbuloi se kishin vjedhur hajdutët.

Lexo po ashtu Ndërron jetë legjenda italiane, Paolo Rossi – fitues i Kupës së Botës, Topit të Artë dhe Ligës së Kampionëve

Policia po merr prova në vendin e ngjarjes, por midis sendeve të vjedhura ishte një orë që i përkiste fituesit të Kupës së Botës.

Një minutë heshtje u mbajt para të gjitha ndeshjeve të Serie A dhe Serie B këtë fundjavë për nder të Rossit, i cili vdiq të mërkurën mbrëma në moshën 64 vjeç.

Ndryshe, Rossi llogaritet si njëri nga legjendat më të mëdha italiane, pasi ka fituar Kupën e Botës dhe Topin e Artë. /Telegrafi/