Mario Dedivanovic, artisti i famshëm i makijazhit, padyshim se ka bërë befasinë më të mahnitshme që keni mundur të shihni së fundmi.
Grimeri shqiptar që jeton në Amerikë, Mario Dedivanovic padyshim se ka bërë befasinë më të mahnitshme që keni mundur të shihni së fundmi.
Me rastin e ditëlindjes së 70-të të nënës që jeton bashkë me të në Amerikë, ai ka mundësuar udhëtimin e motrave dhe vëllezërve të saj që jetojnë në Mal të Zi për ta befasuar në derë të shtëpisë, transmeton Prive.
Momentin e pabesueshëm me gjithë reagimet, Mario e ka postuar në rrjetin social Instagram, ku shfaq gëzimin e nënës së tij e cila pas shumë kohësh takon vëllezërit dhe motrat me të cilët komunikon çdo ditë, por që shkaku i distancës gjeografike, i sheh rrallë.
Grimeri i Kim Kardashian përpos që ka bërë të lumtur nënën e tij, duket se ka emocionuar fort edhe veten meqenëse në Instagram ai mes tjerash është shprehur: “Zemra ime s’është ndier më e lumtur asnjëherë në gjithë jetën time”.