Amir Abrashi ka pësuar një dëmtim të lehtë në shpatull pas një përplasje me një shok skuadre, por mjekët e Kombëtares janë shprehur se nuk ka asgjë serioze.
Për gjendjen e shokut të repartit u interesua menjëherë TaulantXhaka, me dy lojtarët që biseduan në fushë, por pa shfaqur shenja shqetësimi.
Edhe mesfushori i Baselit është paraqitur në Kombëtare pas dëmtimit muskulor të pësuar te Baseli. Menjëherë lojtari do t’i nënshtrohet kontrolleve me stafin mjekësor të përfaqësueses, për të vlerësuar se në çfarë pike ndodhet rikuperimi.
Në pritje të përgjigjeve zyrtare nga testet, stafi kuqezi ka dhënë garanci se dëmtimi i pësuar përpara disa javëve nuk do ta pengojë Taulant Xhakën që të luajë në Kampionatin Evropian.
