Shqipëria ka shënuar fitore kundër Kosovës në kuadër të grupit B të paraeliminatoreve për botërorin Franca 2019.
Kombëtarja shqiptare e femrave ka triumfuar në momentet e fundit me rezultat 3:2 kundër Kosovës.
Shqipëria ka kaluar në epërsi në minutën e 17 përmes Arbiona Bajraktarit ndërsa për kosovaret ka realizuar gol në minutën e 35 Agnesa Rexha.
Në pjesën e dytë u shënuan tre gola, dy Shqipëria dhe një Kosova, transmeton Telegrafi.
Fillimisht, përfaqësuesja e Kosovës kaloi në epërsi në minutën e 60 me anë të realizatores së golit të parë Rexhës.
Por, Shqipëria nuk u dorëzua dhe përmbysi rezultatin për të shënuar fitores në sekondat e fundit të takimit.
Shqiptaret barazuan rezultatin në minutën e 75 përmes një supergoli nga gjuajtja e lirë të Fortuna Melas.
Kur pritej të përfundonte takimi, Blerina Musa realizoi autogol dhe kështu, takimi përfundoi në dobi të Shqipërisë me rezultat 3:2.
Pas kësaj, Shqipëria zë pozitën e parë të renditjes tabelore me tre pikë ndërsa Kosova gjendet në vendin e fundit, ku në grup janë edhe Greqia dhe Malta. /Telegrafi/
