Një punonjës i shërbimit të asgjësimit të pemëve ndihmoi në shpëtimin e një maceje e cila kaloi katër ditë të mbërthyer në një pemë rreth 15 metra mbi tokë.
Grace Perrine tha se macja e saj, Scarlet po ndiqte një ketër kur u ngjit në një pemë në oborrin e saj në qytetin Berea në Virxhinia dhe nuk mundi të zbriste në tokë, transmeton Telegrafi.
“Ajo nuk kishte ushqim. Ajo ishte atje lart katër net – ndoshta 12 ose 15 metra në ajër – në një pemë të madhe me degë që nuk rriteshin horizontalisht që ajo të mund të zbriste poshtë”, tha Perrine.
Pasi zjarrfikësit nuk arritën ta shpëtonin duke e trembur më tutje macen, pronarja e saj ra në kontakt me Brett Parker nga shërbimi i asgjësimit të pemëve.
Scarlet u shpëtua dhe u vendos në tokë dhe u ribashkua me pronaren e saj, Perrine. /Telegrafi/