Një adoleshent është shpëtuar të premten nga rrënojat e pallatit të shembur në lagjen Kartal të Stambollit.
Lajmi vjen plot 45 orë pas tragjedisë që la të paktën 14 të vdekur dhe 13 të plagosur.
Ministri turk i Punëve të Brendshme, Sulejman Soylu, tha se i shpëtuari është 16-vjeçari Mert Aydin.
Sipas ministrit, numri i personave të nxjerrë nga poshtë rrënojave ka arritur në 14, përcjell javanews.al.
Ndërkohë, sipas medias turke vijon puna e pandërprerë për nxjerrjen nga rrënojat edhe të 5 personave të tjerë, me të cilët është arritur të komunikohet.
Një ndërtesë 8 katëshe, 3 prej të cilëve ishin pa leje, u shemb ditën e mërkurë në Kartal Të Stambollit.
Pallati kishte 14 apartamente, por fatmirësisht jo të gjithë banorët ndodheshin në banesa në momentin e shembjes çka mund ta bënte bilancin edhe më tragjik.
