Dy persona janë plagosur pasditen e së dielës në Gramsh, pasi makina me të cilën po udhëtonin ka shpërthyer.
Personat e lënduar janë dërguar për mjekim në Spitalin e Traumës në Tiranë.
Ngjarja ka ndodhur në lagjen “Xhile Liçi”, në unazën e qytetit. Mjeti tip Ford Focus ka shpërthyer në ecje. Në momentin e shpërthimit, në automjet kanë qenë dy vëllezërit Algert dhe Erald Mine.
Njoftimi i policisë:
Rreth orës 17:20, në lagjen “Xhile Liçi”, Gramsh, automjeti tip “Ford Focus”, që drejtohej nga shtetasi A. M., gjatë kohës që automjeti ka qenë në lëvizje, në rrethana ende të pa qarta ka shpërthyer.
Si pasojë është dëmtuar shtetasi A. M. dhe pasagjeri shtetasi E. M. (vëllezër), të cilët janë transportuar për ndihmë mjekësore në spital.
Grupi hetimor nën drejtimin e Prokurorisë po kryen veprimet për sqarimin e rrethanave të ngjarjes dhe përcaktimin e shkakut të shpërthimit të automjetit.
Pas ekzaminimeve të mekanizmit të rrethanave që kanë ndikuar në shpërthim do të ketë një njoftim të plotë.