Gjykata në Stamboll ka lëshuar urdhër-arrest për liderin e organizatës Feto, Fethullah Gulen, si dhe disa zyrtarëve tjerë në kuadër të hetimeve për vrasjen e gazetarit turko-armen, Hrant Dink, në vitin 2007.
Prokuroria në Stamboll dje ka dërguar një kërkesë për urdhër-arrestet kundër Gulenit. Në deklaratën e gjykatës thuhet se aktualisht nuk është e mundur të bien në kontakt me të dyshuarit dhe as të përcaktohet adresa e qëndrimit të tyre, kështu që u vendos që të lëshohet padi veç e veç për secilin prej tyre.
Përveç Gulenit, urdhër-arresti është lëshuar edhe për ish-prokurorin në arrati Zekeriyah Oz, pastaj gazetarët Faruk Mercan, Ekrem Dumanli dhe Adem Yavuz Arslan, si dhe avokatit Halil Ibrahim Koca, të cilët dyshohen në lidhje me vrasjen e gazetarit turko-armen, Hrant Dink në vitin 2007.
Hrant Dink u vra në vitin 2007, ndërsa ishte redaktor i gazetës javore “Agos”, gazetë armene në Turqi. Vrasësi i tij, Ogun Samast, i cili në kohën e vrasjes ishte 17 vjeç, u dënua në vitin 2011 dhe aktualisht vuan dënimin me burg prej 23 vitesh.