Shoqata e Prokurorëve Publik të Maqedonisë, përmes një letre kërkon që të mos shkurtohet buxheti i Prokurorisë Themelore Publike me rebalancin e ri të buxhetit.
Nga Shoqata e Prokurorëve thonë se si organizatë joqeveritare, jopartiake, jopërfituese dhe me vullnet të mirë kanë për qëllim forcimin e statusin e përgjithshëm të Prokurorisë Publike, njofton Telegrafi Maqedoni.
“Nga ajo që mund të shihet nga propozimi i publikuar për ndryshim dhe plotësim të Buxhetit të Maqedonisë, është zvogëlimi i mjeteve për Republikën e Maqedonisë edhe atë nga gjithsej 259.213 denarë në 237.257 denarë, ndërkaq në lidhje me mjetet për implementimin e paraparë të ligjit për procedurë penale, është zvogëluar nga 213.455 denarë në 195.130 denarë. Në këtë drejtim në pjesën e rrogave dhe kompensimeve nga gjithsej 552 të punësuar në Prokurorinë Themelore Publike, vlera e mjeteve zvogëlohet nga 218.205 denarë në 205.558 denarë, derisa për sugirmin e mallrave dhe shërbimeve nga 39.886 denarë në 28.000 denarë”, thonë nga Shoqata e Prokurorëve.
Ata gjithashtu shtojnë se sigurimi i mjeteve, veçmas për pagesën e pagave të prokurorëve publik dhe të punësuarve në Prokurori është me rëndësi themelore për funksionimin normal të Prokurorisë.
“Duke e pasur parasysh se si punojnë dhe funksionojnë prokuroritë publike, ndërkaq dhe llojin e karakterit të punës, veçmas kushtet e veçanta për punë dhe rrogë, nuk janë luks, por janë të patjetërsueshme për funksionim efikas që në kushte normale të zhvillohen aktivitetet”, thuhet në reagimin e Shoqatës së Prokurorëve./Telegrafi/