Juria e edicionit të 71-të të Festivalit të Filmit në Kanë, në krye me aktoren australiane, Cate Blanchett, ia ka ndarë Palmën e Artë filmit “Shoplifters” te regjisorit japonez, Hirokazu Koreeda.
Veterani i kinematografisë botërore, Spike Lee, ka marrë Çmimin e Madh (çmimin e dytë) me filmin “BlacKkKlansman”, derisa regjisorja libaneze, Nadine Labaki, ka marrë çmimin e jurisë me filmin “Kafarnaum”.
Aktori më i mirë është shpallur Marcello Fonte për rolin e tij në filmin “Dogman”, me regji të Mattea Garronea, derisa aktorja më e mirë është shpallur Samal Yeslyamova.
Çmimin special e ka fituar regjisori Jean-Luc Godard, ndërsa Blanchett e ka përshkruar si “artist të filmit, i cili vazhdimisht e definon dhe i jep formë mënyrës se si duhet të jetë një film”.
Meqenëse Godard nuk ishte i pranishëm, çmimin e morën producentët Fabrice Aragno dhe Mitra Farahani.
Njohjen për regjisorin më të mirë e mori regjisori Pawel Pawlikowski për filmin “Ida”, derisa çmimin për skenarin më të mirë e fitoi “3 Faces”.
Në garë për Palmën e Artë ishin 21 filma, ndërsa festivali është mbyllur me projeksionin e filmit “The Man Who Killed Don Quixote”, me regji të regjisorit britanik, Terry Gilliam. /Telegrafi/
