Një shofer i një veture sportive BMW Z4 duket se nuk kishte durim të presë në kolonën e gjatë, dhe kështu vendosi të ndërmerr një veprim jo të menduar mirë që i kushtoi shtrenjtë.
Derisa po qëndronte në veturë në një kolonë qindra metra të gjatë, shoferi i veturës së kuqe humb durimin dhe pa shikuar në pasqyrën anësore ndërron korsinë dhe kalon në anën e djathtë, me ç’rast përplaset keq me një veturë tjetër që ishte duke lëvizur me shpejtësi të madhe, transmeton Telegrafi.
Si pasojë e këtij veprimi të pamatur një person ka përfunduar në spital me lëndime të rënda trupor, ndërsa ngjarja e tmerrshme raportohet të ketë ndodhur në Manchester të Anglisë.
Në video mund të shihet se si shumë vetura tjera frenojnë, për të parandaluar përfshirjen në përplasjen e tmerrshme që ndodhi mes BMW-së dhe Citroen-it. /Telegrafi/
