Tre persona janë dërguar me urgjencë në spital, kur shoferi i një veture humbi kontrollin mbi timonin dhe përfundoi duke u përplasur në tarracën e një restoranti në Brooklyn të New Yorkut, shkruan FOX 5.
Kamerat e sigurisë kanë kapur momentin kur vetura e tipit Ford thyen rrethojnë mbrojtëse në L’Wren në parkun Sunset, dhe futet në hapësirën ku ishin klientët duke shijuar specialitetet e tyre të preferuara, transmeton Telegrafi.
Nga goditja e fuqishme dy femra dhe një mashkull që ishin ulur janë përplasur në tokë, dhe për t’i shpëtuar më të keqes janë dërguar me urgjencë në spital për tretman.
Bëhet fjalë për një shofer 22-vjeq i cili pasi e kuptoi se çfarë ndodhi, doli jashtë menjëherë dhe priti policinë me të cilët bashkëpunoi duke pranuar gabimin.
Policët kanë gjobitur shoferin duke besuar se bëhet fjalë vetëm për një aksident të rëndomtë, kurse personat e lënduar janë liruar nga spitali pas tretmanit që kanë marrë. /Telegrafi/
