Një video e publikuar nga mediat amerikane, shfaqin momentin kur pronari i një apartamenti mbytet pas një fjalosje që pati me personat që ua kishte lëshuar pronën me qira.
Këtë burrë të pafat ata shtyjnë shkallëve, e nga lëndimet e marra ka mbetur i vdekur në vend, transmeton Telegrafi.
Në video shihet se si 71-vjeçari Edgar Mocaio bisedon me telefon në rrugën 102 në Koroni rreth orës 15:00.
Në një moment dera e apartamentit hapet dhe aty fillon grindja mes Mocaios dhe qiragjinjve të tij, që njërin prej tyre e kanë identifikuar si Alex Garces, 22-vjeç.
Garces shtynë Moncaion i cili rrëzohet në shkallët e punuara nga tullat e kuqe dhe përplaset me kokë në trotuar.
Ndërkaq Garces dhe miku i tij zbresin shkallëve dhe kalojnë pranë Mocaios që qëndronte i shtrirë pa ndjenja. Në një moment miku i sulmuesit afrohet për t’u siguruar nëse burri i moshuar është gjallë, dhe largohen sikur të mos kishte ndodhur asgjë.
Në anën tjetër nipi i Mocaios, Nicholas Zativa, 20-vjeç, ka thënë se Moncaio është shpallur i vdekur nga mjekët.
E qiragjiu fillimisht u kishte thënë policëve se gjithçka ka qenë aksidentale, pasi që ishte munduar të merr diçka në tokë dhe kur hapi derën e rrëzoi Moncaion në tokë.
Besohet se gjithçka filloi kur pronari i apartamentit ua kërkoi paratë për qiranë. /Telegrafi/