Ju kurrë nuk mund ta keni vënë re, por pemët lëvizin edhe pse nuk ka erë. Shkencëtarët kanë gjetur se pemët shfaqin pulse periodike dhe minutore, sikur të kenë rrahje të zemrës.
Në studim, hulumtuesit nga Danimarka dhe Hungaria hetuan lëvizjen njëditore të 21 llojeve të pemëve duke përdorur skanim tokësor me laser, një teknikë tre-dimensionale me saktësi të lartë, njoftoi The Guardian.
Studiuesit zbuluan se ndryshimet periodike të rregullta në formë janë të sinkronizuara në të gjithë pemën dhe janë më të shkurtra se një cikël ditë-natë.
“Ne zbuluam një lëvizje periodike të panjohur deri në një centimetër në cikle prej dy deri në gjashtë orë”, tha Andras Zlinszky në Universitetin Aarhus.
Por pse ndodh kjo? Studiuesit besonin se pemët po pompojnë ujin. Lëvizja duhet të lidhet me ndryshimet në presionin e ujit brenda bimëve, tha Zlinszky.
Faktorë të tjerë si sëmundja gjithashtu do të ndikojnë në lëvizjen e tyre, vunë në dukje studiuesit.
Pemët ulin degët e tyre gjatë natës, duke hyrë në një “cikël gjumi”, zbuloi gjithashtu studimi, duke i bërë jehonë rezultateve të mëparshme të hulumtimit.