Shkencëtarët kanë mbledhur dëshmi se macet jo vetëm që janë tejet fotogjenike, por edhe na dhurojnë të mira të shumta shëndetësore
Macet na shërojnë
Macet ndihmojnë në shërimin e plagëve përmes gërhimës së tyre.
Shkencëtarët ende kanë probleme rreth argumenteve të origjinës së zërit që e bëjnë, por të gjithë e dimë se macet lëshojnë disa zëra të veçantë dhe kjo, për çfarëdo arsye, ka aftësi shëruese, transmeton Telegrafi.
Macet e zvogëlojnë sasinë e stresit në jetë
Shumë studime tregojnë se personat që mbajnë mace janë më pak të prirë të vuajnë nga stresi.
Dashamirët e qenve vendosen në vend të dytë, përderisa personat më të stresuar nuk kanë kafshë shtëpiake.
Macet mund ta zvogëlojnë probabilitetin e sulmeve të zemrës deri në 40 për qind
Shkencëtarët nga Universiteti Minnesota kanë zbuluar se prezenca e maceve në shtëpi ka përfitime për zemrën.
Në hulumtimin e tyre, ata kanë zbuluar se njerëzit që nuk mbajnë mace janë 40 për qind më shumë të prirë të kenë sulme në zemër.
Pse jo?
“Shpjegimi më i arsyeshëm për këtë mund të jetë se macet e lirojnë stresin dhe shqetësimin, rrjedhimisht e zvogëlojnë rrezikun për sëmundjet kardiovaskulare”, thonë studiuesit.
Por, le të jemi më të kujdesshëm me faktet. Po, studimet kanë treguar se macet e zvogëlojnë stresin, zvogëlojnë rrezikun e sëmundjeve kardiovaskulare dhe gërhima e tyre ka efekte të jashtëzakonshme.
Sidoqoftë, këto të dhëna më shumë tregojnë rreth mënyrës së jetesës të një personi që mban mace, e jo të “fuqisë mistike” që macet kanë mbi trupat tanë. /Telegrafi/