San Antonio Spurs dhe Toronto Raptors kanë arritur një marrëveshje të pabesueshme të shkëmbimit.
Është emri më i përfolur i muajve të fundit në NBA, Kaëhi Leonard, ai që bëri të ditur dëshirën për largim nga klubi teksan.
Tash, San Antonio ka arritur marrëveshje me Toronto Raptors, marrëveshje kjo që e çon Leonardin drejt Kanadasë.
Pos Leonardit, me të do të bashkohet edhe Danny Green, një prej mbrojtësve të perimetrit më të mirë në NBA.
San Antonio do të përfitojë shërbimet e DeMar DeRozan, superyllit i cili shpërtheu te Toronto, qendrës së re Jakub Poelts dhe përzgjedhjen e Torontos në raundin e parë të draftit të vitit 2019.
“Më thonë tjetër gjë, e përfundimi është tjetër. Nuk i besoj atyre. Nuk ka më besim në këtë lojë. Të shesin shpejt për asgjë në këmbim. Shumë shpejt do ta kuptoni. Mos më bezdisni”, ka shkruar i nervozuar DeRozan në InstaStory, duke fshirë të gjitha imazhet në fanellën e Torontos.
Leonardit i skadon kontrata vitin e ardhshëm dhe Toronto ka rrezikuar me këtë shkëmbim duke ditur se dëshira e lojtarit është që të kalojë te Los Angeles Lakers.
DeRozan ka tri vite të mbetura dhe 83 milionë dollarë të mbetura në kontratë, me opsionin për të shkëputur kontratën për sezonin 2020/2021. /Telegrafi/