Sulmuesi shqiptar, Shkëlzen Gashi nuk do të jetë më lojtar i ekipit nga Mayor League Soccer, Colorado Rapids.
Pas tri viteve të kaluara në kampionatin amerikan të futbollit i njohur si MLS, Gashi nuk do të luaj më aty.
Është vet klubi i Colorado Rapids që ka njoftuar me anë të faqeve të tyre zyrtare se ka ndarë rrugët me sulmuesin e Shqipërisë.
“Klubi i futbollit Colorado Rapids njofton sot se sulmuesi Shkëlzen Gashi është vendosur të largohet nga klubi dhe është larguar nga lista aktive”.
“Ne duam ta falënderojmë Shkëlzenin për shërbimin e tij gjatë tre sezoneve të fundit dhe ne nuk i duam atij asgjë, por vetëm më të mirën”, thuhet në njoftimin e Colorados.
We want to thank Shkëlzen for his service over the last three seasons and we wish him nothing but the best.#Rapids96 | #Elevate pic.twitter.com/zC3qgGTep3
— Colorado Rapids (@ColoradoRapids) March 1, 2019
Edhe Gashi ka shfrytëzuar rrjetet sociale për të treguar largimin e tij nga Rapids dhe për t’i falënderuar të gjithë rreth klubit për kohën e kaluar aty.
A chapter comes to an end❗️ Thanks 🤗 to the @ColoradoRapids Organization and the incredible fans of the Rapids96 for their trust & support during my 3️⃣ years at the club!💫 Wish the team a fantastic season ⚽️ 🍀 #AllTheBest #Rapids96 #GoodBye #ThankYou💯 #Gashi #SG11 ✌️😊 pic.twitter.com/xhJYPoBAG4
— Shkelzen Gashi 🇺🇸 (@s_gashi11) March 2, 2019
“Çdo kapitulli i vjen fundi. Falënderimet shkojnë për Colorado Rapids dhe tifozët e pabesueshëm të Rapids96 për besimin dhe mbështetjen e tyre gjatë 3 viteve të mia në klub! I dëshiroj ekipit një sezon fantastik”, ka shkruar Gashi.
Ndryshe, Gashi ka shënuar 13 gola dhe gjashtë asistime në 64 paraqitje, ndërsa sezoni i ri për Rapids fillon sot (e shtunë) me ndeshjen e tyre në shtëpi kundër Timbers Portland. /Telegrafi/