Baseli ka marrë një fitore të madhe para tifozëve të vet përballë kampionit në fuqi të Zvicrës, Young Boysit.
Skuadra e shqiptarëve Edon Zhegrova, Taulant Xhaka e Kemal Ademi ka triumfuar me rezultat të pastër 3-0.
E në këtë takim ka shkëlqyer reprezentuesi kosovar Edon Zhegrova, që asistoi në golin e parë dhe i dha vulën fitores së Baselit duke shënuar golin e tretë.
Paraqitja e Zhegrovës u lavdërua nga të gjithë në Zvicër, teksa ylli prishtinas ka zërë vend edhe në formacionin titullar.
20-vjeçari është përfshirë në formacionin më të mirë të javës nga e përditshmja zvicerane Blick.
Formacioni i javës në Zvicër:
Stojanovic, Widmer, Alderete, Comert, Covilo, Quintilla, Babic, ZHEGROVA, Carlinhos, Doumbia, Kramer. /Telegrafi/
