Shkarkimi i Maurizio Sarri pas vetëm një sezoni dhe mbajtja e tij në listën e pagave do t’i kushtojë Juventusit 17.3 milionë euro.
Sipas Calcio e Finanza, që analizon llogaritë e klubeve, kostoja e pushimit nga puna e trajnerit Sarri është edhe më e madhe nga sa mendohej.
Ai u shkarkua në 8 Gusht 2020, vetëm disa ditë pasi fitoi Scudetto në edicionin e tij debutuese, për t’u zëvendësuar nga Andrea Pirlo.
Duke inspektuar nga afër dokumentet, Calcio e Finanza ka gjetur prova që Juve do të duhet të vazhdojë të paguajë Sarri dhe stafin e tij 15,4 milionë euro derisa kontrata të skadojë në qershor 2022.
Kjo nuk është e gjitha, pasi ka edhe kosto të tjera në lidhje me Sarrin në vlerë 1.8 milionë euro.
Kjo e çon koston totale të shkarkimit të parakohshëm në 17.3 milionë euro nëse arrin në përfundimin e saj natyror në qershor 2022.
Sidoqoftë, ekziston një klauzolë që lejon Juventusin të përfundojë marrëveshjen për 2.5 milionë në qershor 2021. /Telegrafi/