Norma e papunësisë në Shqipëri zbriti në 11.4 për qind në tremujorin e katërt të vitit 2021, krahasuar me 11.8 për qind e regjistruar në të njëjtën periudhë të një viti më parë, sipas të dhënave të institutit statistikave, INSTAT.
Megjithatë ende nuk po arrihen nivelet e para pandemisë duke regjistruar 10,000 më pak të punësuar se në të njëjtën periudhë e vitit 2019.
Shkalla e punësimit mes moshave 15 deri në 64 vjeç u rrit në 62.1 për qind në periudhën në fjalë, nga 60.2 për qind në tremujorin e katërt të vitit 2020, thuhet në raportin tremujor të fuqisë punëtore të INSTAT.
Në periudhën tetor-dhjetor, shkalla e papunësisë tek meshkujt ishte 11.0 për qind, ndërsa tek femrat 11.8 për qind.
Gjatë tremujorit të katërt, shkalla e papunësisë në moshat e reja 15-29 vjeç ra në 20.6 për qind në fund të vitit 2021, krahasuar me 21.7 për qind një vit më parë. /Telegrafi/