Nuk do të ketë automjete që lëvizin në qendër të Shkupit vitin e ardhshëm. Kryetari Petre Shilegov për “Sakamdakazam” tha se aktualisht janë duke punuar në një projekt që kryqëzimin tek Kuvendi deri tek qendra tregtare “Paloma Bjanka” të bëhet zonë për këmbësorë. Kështu nga viti i ardhshëm pritet që Qendra e Shkupit të jetë e ndaluar për automjetet.
“Ajo që ne po bëjmë tani është të mbyllim plotësisht rrethin e pogël për makinat vitin e ardhshëm dhe të bëhet zonë për këmbësorë, ashtu siç është kudo në botë. Ajo pjesë do të marrë një pamje krejtësisht të re, me trotuare dhe pllaka, ndërsa parku ‘Gruaja luftëtare’ do të zgjerohet drejt Kuvendit. Ne mendojmë vetëm për autobusët e transportit publik në atë zonë. Paralelisht, ne do të punojmë për zgjerimin e rrugës Dame Gruev në shesh. Ne e zgjidhëm problemin me ndërtesën e ish-Makoteks në rrugë. Qyteti do ta blejë ndërtesën dhe do ta shembë. Do të ketë gjithashtu hapësirë që një park të zëvendësojë parkun përballë stacionit të hekurudhës së vjetër, i cili u shkatërrua për shkak të ndërtimit të projekti Shkupi 2014”, tha Shilegov./Telegrafi/