Një njësi speciale e policisë së Ukrainës janë bërë gazi i botës, pasi janë filmuar nga kamerat e sigurisë gjatë një aksioni policor, ku shihen duke mos mundur të kalojnë një pengesë fare të vogël.
Njësitë elitare të policisë kalojnë jetën duke u trajnuar për situatat të vështira, qofshin të pengmarrjes apo të plaçkitjeve të ndryshme, por kjo nuk do të thotë se edhe ata nuk munden të gabojnë gjatë aksioneve të tyre policore, transmeton Telegrafi.
Gjatë një aksioni rutinorë, policia e armatosur deri në dhëmbë ka hasur në një problem që pak kush do ta besonte se do t’ua prishte aksionin.
Në videon e postuar në internet, shihet se si kalimtarët e rastit pa kurrfarë problemi arrinin të kalonin pengesën, por jo edhe policia të cilët humbën kohë duke u përpjekur të kalojnë në anën tjetër të pengesës.
Kjo ngjarje e pakëndshme për policinë ka ndodhur në kryeqytetin e Ukrainës, Kiev, ndërsa në ato momente ata ishin duke bastisur zyrat e Rojeve Kufitare të Ukrainës.
Sidoqoftë, zyrtarët të lartë shtetëror kanë deklaruar për mediat se kjo video është bërë enkas për televizionet ruse, të cilat do të mundohen të shfrytëzojnë këto pamje për të krijuar spektakël kinse nuk kemi njerëz të aftë për operacione të rrezikshme. /Telegrafi/
https://www.youtube.com/watch?v=lEkHQ_JmtgI