Ndeshja në mes të Përfaqësueses së Kosovës dhe Ukrainës rrezikon që të mos zhvillohet, shkaku i kushteve atmosferike.
Kosova është nikoqire e Ukrainës në takimin e vlefshëm për kualifikimet në kampionatin botëror “Rusia 2018”.
Megjithatë, ky takim mund të mos zhvillohet shkaku i kushteve të dobëta atmosferike.
Qyteti i Shkodrës, aty ku Kosova i zhvillon ndeshjet si vendas është vërshuar nga një shi i madh i cili rrezikon zhvillimin e ndeshjes.
Ekipi i Telegrafit në stadiumin “Loro Boriçi” ka bërë disa fotografi dhe video ku shihet duke rënë pandërprerë shi.
Tribunat shihet të gjitha të zbrazëta dhe ende asnjë tifozë nuk ka zënë ulësen e tyre. /Telegrafi/