Shoqata e Gazetarëve të Maqedonisë sot zgjedh Kryetarin dhe udhëheqësinë e saj. Anëtarët, për kryetar të SHGM-së do të zgjedhin në mes dy kandidatëve, Mlladen Çadikovski dhe Stojançe Naumov.
Siç deklarojnë nga SHGM, Çadikovski ka dorëzuar një program pune, ndërsa Naumov njoftoi se do të paraqiste programin e tij përpara anëtarëve të Kuvendit.
Për pozitat në organet e SHGM-së, janë dorëzuar 29 kandidatura për anëtarët e bordit të drejtorëve, gjashtë për anëtarët e Këshillit Mbikëqyrës dhe 4 për anëtarët e Këshillit të Nderit.
Deri më tani postin e kryetarit të SHGM-së e ka ushtruar Naser Selmani. /Telegrafi/