Shoqata e Gazetarëve të Maqedonisë (SHGM) dërgoi shembuj nga Kodi i gazetarëve të Maqedonisë deri te gjitha mediat të regjistruara në Agjencinë për shërbime mediatike audio dhe audiovizuele (ASHMAA), njofton Telegrafi Maqedoni.
“Kodi etik i SHGM-së u miratua në vitin 2001 dhe për herë të parë u distribuua deri te të gjitha mediat në shtetin tonë. Shkaku i ngjarjeve të fundit dhe zgjedhjet lokale në vijim, u paraqit nevoja për ta prezantuar atë edhe një herë. Si në profesionet tjera, ashtu edhe në gazetari, parimet etike bazohen në vlerat themelore të profesionit dhe standardeve që i përmbush çdo profesionist. Me respektimin e këtyre 17 parimeve dhe vlerave etike, gazetarët marrin përgjegjësi për informatat që i transmetojnë, pavarësisht nga mediat në të cilët punojnë”, thonë nga SHGM.
Gjithashtu, nga SHGM theksojnë se në këtë mënyrë mund të kontribuojë në luftën kundër lajmeve të rreme dhe propagandës mediatike me promovimin e standardeve etike gjatë raportimit.
“Kodi i gazetarëve të Maqedonisë u punua në gjashtë gjuhë (maqedonisht, shqip, turqisht, anglisht, në gjuhën vllahe dhe rome) dhe do të dërgohen deri te redaksitë të ndara sipas gjuhës të punës”, thuhet në njoftimin e SHGM-së.
Ky aktivitet u zhvillua në kuadër të projektit “Rrjetëzimi i gazetarëve për lirinë e mediave” i cili është i financuar nga ana e Bashkimit Evropian./Telegrafi/