Shefi i Grupit Parlamentar të Nismës Socialdemokrate, Bilall Sherifi, ka thënë se dy partitë opozitare LDK dhe VV përgjatë dy viteve të kohëzgjatjes së qeverisë në vazhdimësi dhe mënyrë konsistente kanë kërkuar zgjedhje të parakohshme dhe kanë thirrur seanca të jashtëzakonshme.
Prandaj, Sherifi ka thënë se tani është koha që LDK dhe VV të bëjnë mbledhjen e fundit të 40 nënshkrimeve, për të thirrur një seancë të jashtëzakonshme, me të vetmen pikë të rendit të ditë shpërndarjen e Kuvendit.
Sherifi ka pohuar se vetëm kështu presidenti Thaçi do të detyrohet t’i shpallë zgjedhjet e parakohshme.
Tutje ai ka thënë se të gjitha deklaratat tjera janë vetëm justifikime dhe asgjë më shumë, ai ka shtuar se vetëm duke vepruar kështu sovrani mund ta sheh se kush vërtetë është për të shkuar në zgjedhje dhe kush është duke e bërë këtë vetëm për farsë.
Në fund, Sherifi ka thënë se tani është koha për veprim dhe jo për justifkim./Telegafi/
