Shembja e një minareje, ikja me shpejtësi e njerëzve dhe lëkundja e një ndërtese të lartë – pamje të reja nga tërmeti i fuqishëm në Stamboll

Një pjesë e një minareje të xhamisë e shembur është një nga dëmet e shkaktuara nga tërmeti që ka goditur sot Stambollin në Turqi.

Ky mund të thuhet se është një nga dëmet e shkaktuara nga një tërmet që ka goditur qytetin turk, i cili thuhet se ishte i fuqishëm prej 5,7 ballësh, përcjell Telegrafi.

Por ndonëse ende nuk ka raporte për dëme të tjera, përdorues të rrjeteve sociale kanë publikuar pamjet e tërmetit, përkatësisht dridhjet që shkaktoi.

Megjithëse nuk është raportuar për ndonjë viktimë, tërmeti ka shkaktuar panik të çastit në qytet – duke bërë që shkollat dhe spitalet të evakuohen.

Ndryshe, Presidenca e Menaxhimit të Fatkeqësive dhe Emergjencave (AFAD) tha që tërmeti goditi në jug-perëndim të Stambollit në Detin Marmara në orën 2:00 pasdite.

Lexo po ashtu Tërmeti i fuqishëm në Stamboll, publikohen pamje që tregojnë panikun që shkaktoi dridhja

Turqia ka pësuar tërmete shkatërruese në të kaluarën, përfshirë një afër Stambollit në 1999 që vrau më shumë se 17,000 njerëz në rajonin më të madh.

Turqia është ndër vendet më sizmike aktive në botë, pasi ndodhet në disa linja aktive defektesh, ku një nga ato më potencialisht shkatërruese është Pika e Anatolisë Veriore (NAF), pika e takimit e pllakave tektonike të Anadollit dhe Euroazisë. /Telegrafi/