Pas disa javësh, do ta shohim në tërësi modelin M5
BMW M5 është një sedan shumë i pëlqyer, që me 617 kuaj fuqi, shpejtësinë nga zero deri në 100 kilometra në orë mund ta zë për tre sekonda, transmeton Telegrafi.
Megjithëse është një makinë mjaft e pëlqyer, me kalimin e kohës duket se është vjetruar dhe BMW ka filluar të bëjë përditësimet e dëshirueshme.
Reporterët që merren me makinat e reja, e kanë parë atë derisa po testohej me shtresa të mëdha kamuflazhi, ndërsa tani shefi i BMW shfaqi një pjesë të saj, ndërsa tregoi se kur do të shfaqet në tërësi kjo makinë.
Markus Flasch është shefi i M Divizion në BMW, që shfrytëzoi llogarinë e tij në Instagram, që të tregoi se M5 do të shfaqet në tërësi brenda disa javëve, pa treguar saktësisht se kur do të ndodhë.
Derisa e shpalosi vetëm pjesën anësore të kësaj makine, që shihet ngjyra që ka, ndërsa dukjen e kishte të njëjtë me modelin aktual, postimi u bë viral, ndërsa ka pritje se ky model do të jetë shumë i mirë. /Telegrafi/
