Benjamin Netanyahu ka thënë se shefat e sigurisë mbështesin plotësisht një marrëveshje për lirimin e pengjeve nga Gaza në faza, përpara një votimi të parashikuar të kabinetit izraelit mbi një propozim që përfshin një armëpushim.
“Qeveria izraelite përballet me një vendim të vështirë për të miratuar marrëveshjen sonte, por është vendimi i duhur”, tha kryeministri izraelit.
“Qeveria e SHBA-së ndihmoi në përmirësimin e marrëveshjes për të përfshirë më shumë pengje”, tha ai, transmeton Telegrafi.
Raportet më herët sot sugjeruan se një marrëveshje do të përfshinte shkëmbimin e disa pengjeve të mbajtura nga Hamasi për disa të burgosur të mbajtur nga Izraeli, dhe një armëpushim për shkëmbimin e tyre.
Por Netanyahu tha se lufta kundër Hamasit nuk do të ndalet pas një armëpushimi për të lejuar shkëmbimin e pengjeve. /Telegrafi/