Administrata e presidentit, Barack Obama, nuk do t’i mundësojë Iranit qasje direkte në sistemin financiar apo të dollarëve të Shteteve të Bashkuara, megjithëqë punon për të siguruar lehtësim për Iranin nga tërheqja e sanksioneve ekonomike, ka thënë zyrtari i lartë i Departamentit amerikan të shtetit, Thomas Shannon, gjatë dëgjimit të mbrëmshëm në Komitetin për marrëdhënie të jashtme të Senatit të Shteteve të Bashkuara.
Ligjvënësit amerikanë, që e kundërshtojnë marrëveshjen atomike të Iranit me fuqitë botërore, kanë shprehur shqetësime për raportet aktuale se mund të ndodhë që administrata do të lejoj që Irani të përdorë dollarë amerikanë në disa transaksione biznesore të parapara sipas marrëveshjes.
Por, Shannon i ka hedhur poshtë këto raporte.