Dyshja e njohur e estradës, ShaolinGang, kanë publikuar së fundmi projektin e tyre më të ri muzikor.
“Scooby Doo” titullohet kënga e tyre e re, titulli i së cilës është i frymëzuar nga karikatura e famshme për fëmijë, Scooby Doo.
Muzika dhe teksti janë realizuar si gjithmonë nga vet dyshja, teksa incizimi është kryer në studion e Florent Boshnjakut.
Kënga është publikuar në YouTube edhe me një klip mjaft satirik, i cili i përshtatet këngës.
Ana vizuale e projektit i është besuar produksionit kosovar, Imagine Films.
ShaolinGang kanë qenë shumë aktivë këtë vit me projekte të shumta muzikore, me çka kanë bërë që të rrisin edhe më shumë numrin e njerëzve që pëlqejnë muzikën e tyre.
Dyshja po ashtu kanë paralajmëruar se shumë shpejt do të nisin turin e tyre të koncerteve. /Telegrafi/
