Dyshja e njohur, DJ Blunt dhe Real 1, të njohur tashmë si ShaolinGang, kanë publikuar projektin e tyre më të ri muzikor.
“Goja e madhe” titullohet kjo këngë, e cila është ritmike hip-hop.
Teksti dhe muzika janë realizuar nga vet dyshja, gjersa orkestrimi i është besuar kompozitorit Florent Boshnjaku.
Kënga vjen në kanalin YouTube e vizualizuar edhe me klip, në të cilin dy reperët shfaqen me një performancë mjaft interesante.
Ana vizuale e projektit i është besuar produksionit kosovar, Imagine Films.
ShaolinGang kanë qenë shumë aktiv këtë vit me projekte të shumta muzikore, duke u shquar si dy nga reperët më aktivë gjatë vitit.
Ata kanë paralajmëruar se së shpejti do të nisin edhe turin e tyre të koncerteve. /Telegrafi/
