Dj Blunt dhe Real 1, tashmë të njohur me pseudonimin e ri Shaolin Gang, kanë publikuar së fundmi projektin e tyre më të ri muzikor.
“VVS” mban titullin kënga më e re, të cilën dyshja këtë herë e sjellin në bashkëpunim me rap-artistin Shallingi.
Për tekstin e këngës janë kujdesur vet reperët, ndërsa muzika dhe incizimi janë bërë në studion e Florent Boshnjakut.
Kënga vjen në YouTube e shoqëruar edhe me klip, i cili i është besuar produksionit Imagine Films.
Si shumë prej klipeve të dyshes, edhe “VVS” përmban skena eksplicite, ku në njërën nga to mund të veçohet një vajzë, e cila shihet e zhveshur në pjesën e sipërme.
Ata janë shumë aktiv me prurje të reja muzikore, ndërsa janë shumë të ndjekur nga fansat edhe në rrjetet sociale. /Telegrafi/
