Performanca e superyllit kolumbian tërhoqi turmën më të madhe në historinë e Times Square.
Të martën, superylli kolumbian, 47 vjeçe, performoi një koncert surprizë falas në skenën TSX të Times Square në New York dhe tërhoqi më shumë se 40,000 fansa – turma më e madhe që është parë ndonjëherë në zonë, madje edhe gjatë festimeve të Vitit të Ri, shkruan People.
Pas publikimit të albumit të saj të ri, “Las Mujeres Ya No Lloran”, Shakira paraqiti një listë duke përfshirë këngët e saj “Te Felicito”, “TQG”, “Cómo Dónde y Cuándo”, “Puntería” dhe më pas ‘goditi’ me hitin e saj “Hips Don’t Lie”.
Për performancën, Shakira u bashkua me kërcimtarë dhe ekzekutoi koreografi mbresëlënëse dhe madje luajti kitarë elektrike për një këngë. “Faleminderit të gjithëve që jeni këtu për mua” i tha ajo turmës në një moment të setit. “Kjo do të thotë shumë.”
Këngëtarja e “She Wolf” ka qenë mjaft e zënë që nga publikimi i “Las Mujeres Ya No Lloran” javën e kaluar, pasi ka publikuar videoklipe për të dy këngët e albumit “Entre Paréntesis” me Grupo Frontera si dhe “Puntería” me Cardi B. /Telegrafi/
