Përzgjedhësi i Kosovës në hendboll në konkurrencën e femrave, Agron Shabani, ka shpallur listën e hendbollisteve në të cilat llogarit për ndeshjet me Ishujt Faroe.
Më 3 e 5 nëntor, Kosova luan ndaj Ishujve Faroe në kuadër të fazës së parë kualifikuese për Botërorin 2023. Të dy ndeshjet luhen në Kosovë, përkatësisht në Istog.
Edhe grumbullimi i lojtareve bëhet në Istog, të martën. Më 29 dhe 30 tetor, skuadra jonë i luan dy ndeshje përgatitore ndaj Greqisë. Ndeshjet luhen në Selanik. Selektori Shabani ka përfshirë 18 hendbolliste në listë.
Në skuadër kthehet kapitenia dhe liderja, Leonora Demaj. Pas një kohe të gjatë kthehen edhe Rina Rexhepi e Shkurta Mehmeti. Ndërkohë për herë të parë në ekipin e parë do të jenë Venera Kafexholli, Melisa Mulaj, Elisa Mulaj e Natalia Milatoviq.
Kosovën e presin dy ndeshje të forta me Ishujt Faroe, por synimi është avancimi në raundin e dytë kualifikues për Botërorin e vitit tjetër.
| NR | Emri Mbiemri | Klubi |
|---|---|---|
| 1 | Njomza KELMENDI | ASC 09 Dortmund / GER |
| 3 | Elisa MULAJ | Aker Topphåndball/ NOR |
| 4 | Melisa MULAJ | Aker Topphåndball/ NOR |
| 6 | Shkurte MHEMETI | KHF Prishtina |
| 7 | Mirela GJIKOKAJ | Follo HK Damer /NOR |
| 9 | Yllka SHATRI | KHF Istogu |
| 10 | Fitore ALIU | SG Kappelwindeck /GER |
| 11 | Arlinda HAJDARI | Bjerringbro FH /DEN |
| 13 | Natalia MILATOVIC | KHF Istog |
| 14 | Pashke MARKU | HSC Kreuzlingen /SUI |
| 15 | Albina RUGOVA | KHF Istogu |
| 16 | Venera KAFEXHOLLI | Spono Eagles /SUI |
| 18 | Rina REXHEPI | AGF Handbold /DEN |
| 21 | Leonora DEMAJ | Ringkobing Handbold /DEN |
| 24 | Mirjeta BYTYQI | ZRK Mlinotest Ajdovscina /SLO |
| 27 | Marigona HAJDARI | Ringkobing Handbold / DEN |
| 33 | Blerta AHMETXHEKAJ | KHF Istogu |
| 44 | Suzana UJKIC | Yutz Hb Feminin /FRA |