HBO ka konfirmuar zyrtaresh se sezoni i fundit i serialit të shumëpopullarizuar, “Game of Thrones”, do të transmetohet në vitin 2019.
Sezoni i tetë dhe i fundit i “Game of Thrones” do të ketë gjashtë episode.
David Benioff, D. B. Weiss, Bryan Cogman dhe Dave Hill janë duke shkruar skenarin, ndërsa regjinë do ta bëjnë, David Benioff , David Weiss, David Nutter dhe Miguel Sapochnik.
Nutter do të bëjë regjinë e tri episodeve, dy episode do t’i xhirojë Sapochnik, ndërsa Benioff dhe Weiss do ta bëjnë regjinë e episodit final.
Që në vitin e kaluar, HBO njoftoi se hit-seriali do të përfundojë në sezonin e tetë të transmetimit.
Sezoni i shtatë kishte vetëm shtatë episode, ndërsa përfundoi më 27 gusht 2017.
Natyrisht se shikuesit e shumtë të këtij seriali mezi do të presin transmetimin e episodeve të fundit të “Game of Thrones”. /Telegrafi/
Send a raven.#GameofThrones returns to @HBO for its eighth and final season in 2019: https://t.co/FpWV0O0L9i
— Game Of Thrones (@GameOfThrones) January 4, 2018