Telegrafi

Sezoni më i dobët i Real Madridit si vendas në shekullin 21

(Foto: Gazeta Marca)

Real Madridi është duke e përjetuar sezonin më të dobët në shekullin 21 në ndeshjet e luajtura si vendas.

Valencia, Levante, Betis, Tottenham, Fuenlabrada, Barcelona, ​​Numancia, Villarreal, Leganes, Atletico Madrid, Juventus … dhe Athletic Bilbao.

Këto janë 12 skuadrat e ndryshme nga 26 që kanë e vizituar Santiago Bernabeun këtë sezon dhe të cilët kanë marrë të paktën një barazim nga kryeqyteti spanjoll.

Lexo po ashtu Ronaldo e shpëton Realin nga humbja kundër Bilbaos

14 fitore, shtatë barazime dhe pesë humbje me 64 gola në favor dhe 32 kundër tyre është rekord i Real Madridit në 26 ndeshje që luajti këtë sezon në shtëpi.

Real Madridi ka pasur shumë ulje-ngritje këtë sezon (Getty Images)

Një rekord që nuk është parë në Bernabeu që nga shekulli i kaluar, veçanërisht që nga sezoni i fundit, ai 99/00.

Në atë rast Real Madridi kishte humbje të dhimbshme në shtëpi kundër Zaragozës (5-1) , Atletico Madridi (3-1) dhe Bayern Munichu (4-2), si dhe disa rezultate të tjera të dobëta kundër rivalëve si Oviedo apo Numancia.

Lexo po ashtu Zidane: Nuk jam i kënaqur me barazimin, por po me paraqitjen e lojtarëve

Me dy pikët e humbura nga Bilbao të mërkurën mbrëma, kjo e qon në 17 numrin e pikëve të humbura nga Reali në shtëpi në sezonin 2017/18.

Kjo është diçka që nuk ndodhi në kampionatin vendas që nga sezoni 06/07 me Fabio Capellon si trajner; rikthimi i famshëm i Ligës që Reali përfundoi duke fituar titullin në ditën e fundit kundër Mallorcas. /Telegrafi/